Agon Bislimi | Doktor i mjeksisë së përgjithëshme dhe Specializant i kirurgjisë
QKUK - Kirurgji

Duhet të jemi të gjithë krenarë që edhe në vendin tonë kemi Klube ku mundësia, mbështetja dhe këshillimi për orientim në karrierë janë vlera të patjetërsueshme dhe të pamohueshme të një gjenerate e cila premton shumë dhe bën akoma më shumë që të rinjtë tanë të zgjedhin profesionin e duhur, në kohën e duhur dhe në vendin e duhur.
Suksese!

Gazmend Vranovci | Arkitekt
Diagonal

Klubi i Karrierës është një klub shumë i rëndësishëm për shkollën. Klub i cilii'u ndihmon shumë nxënësve në përzgjedhje të profesionit. Këtë vit klubi i karrierës së gjimnazit "Kuvendi i Arbërit" ka qenë shumë aktiv dhe ka kryer një punë shumë të mirë duke intervistuar një numër të madh profesionistësh. Unë do i'u rekomandoja edhe shkollave tjera që të formojnë një klub të karrierës. Unë i përgëzoj klubin e karrierës për punën e bërë.

Vetëm vazhdoni!

Joneta Bytyci | Dizajnere
Bylko Designs

Klubi i Karrierës është ajo se çka i nevojitet çdo shkolle në vendin tonë. Orientimi për karrierë është shumë i rëndësishëm për të rinjët. Jam shumë e lumtur dhe krenare me punën e Klubit të Karrierës "Kuvendi i Arbërit" në Ferizaj. Me ndihmën e klubit gjeneratat e reja do të jenë të gatshëm për profesionin që do zgjedhin në çdo lami.

I lumtë klubit për punën e palodhshme!

Diola Dosti | Nutriciste
DBotanical

Klubi i karrierës është një domosdoshmëri në ditët e sotme për rininë shqipëtare.

Do të shërbejë si trampolinë.

Shembull për t'u ndjekur!

Shkëndije Qeriqi | Zyrtare Policore - Trajnere
Policia e Kosoves

Karriera ndërtohet duke punuar drejtë dhe pastërt! Mirëpo i duhet edhe hulumtimi në qelizë secilës shkallë që e kalon gjatë zhvillimit. Andaj konsideroj se ju klubi i karrierës i keni këto vlera sepse jeni vetë qeliza dhe pastërtia e vendit.
Me shumë dashuri,
Shkëndija

Rasim Rashiti | Rreshter
Policia e Kosoves

Jam njëri nga dy policët që pata kënaqësinë të jem pjesë e kësaj ligjërate informuese lidhur me punën dhe përvojën policore ,të cilen ligjëratë na e mundësuan këta nxënës të pa lodhshëm dhe shumë të interesuar për përvojen që kemi fituar në ketë institicion me rëndesi. Nxënësit ishin shumë të interesuar dhe paraqitën shumë pyetje me rëndësi dhe konstruktive lidhur me përvojën tonë policore. Ne jemi shumë të knaqur për mirëpritjen sjelljet dhe intersimin gjatë kësaj ligjërate ,por gjithmonë urojmë që mos të mbetet me kaq , por të vazhdojnë bashkpunimin edhe në punë e projekte tjera .!

Gentian Jetishi | Profesor
Identiteti

Mekanizmi i Klubi i Karrierës - "Kuvendi i Arbërit" i ka plotësuar imazhin e kësaj shkolle tashmë me një vijë me ato në perëndim, krahas që përmes tij nxënësit e kësaj shkolle mund të edukohen, orientohen, zhvillohen dhe këshillohen për karrierë.

Për ne ishte nderë i veçantë angazhimi me projektet e këtij klubi prej të cilit besoj fuqishëm do dalin elitat e shoqërisë sonë.